മൊല്ലക്ക് ഒരു കത്ത്
.................................
ഹോ മനുഷ്യാ
നിന്റെ മനസ്സിനാണ്‌ ചികിത്സ വേണ്ടത്

അനുനിമിഷം മാറി കൊണ്ടിരിക്കുന്ന ഫ്രീക്കൻ സംസ്കാരങ്ങളിൽ
കണ്ണും നട്ടിരിക്കുന്ന ഒരു സമൂഹത്തെയാണ് ഇന്നത്തെ പണ്ഡിതന്മാർക്ക് നേരിടാനുള്ളത്....

എല്ലാർക്കും സംശയം.
എവിടെയും സ്വാർതഥ.
തകർച്ചയിൽ ഊറി ചിരിക്കുന്നവർ ,
പോരായ്മകളെ വിളിച്ചു കൂവുന്നവർ
മാന്യതയെ പിച്ചിച്ചീന്തുന്നവർ

മലീമസമായ അന്തരീക്ഷത്തിൽ
മലീമസമായ മനസ്സുകൾ ഇനിയും പിറവി കൊണ്ടേയിരിക്കും
അപ്പോൾ പണ്ഡിതന്മാരുടെ പ്രവർത്തന മണ്ഡലങ്ങൾ സുഖാസ്വാദനങ്ങളുടെ കേളീരംഗങ്ങളിൽ മുങ്ങി താഴുമ്പോൾ
ഈ ഫ്രീക്കൻ സംസ്കാരങ്ങളിലെ തലമുറ വല നെയ്തു കാത്തിരിക്കുന്ന ചിലന്തികളായി മാറും

തൂവെള്ള വസ്ത്രം പോലെ നിങ്ങൾ മാറണം.
എല്ലാം നേരിടാനുള്ള കരുത്ത് വേണം.
അവധാനതാ പൂർവ്വം കൈകാര്യം ചെയ്യാനുള്ള പാടവം വേണം
അണികളുടെ ആവേശം കണ്ട് വാക്കുകളെ നിയന്ത്രിക്കാനാവാതെ പോയാൽ സമാധാനം തേടുന്ന മനുഷ്യർ സങ്കീർണതയിൽ നിന്നും സങ്കീർണതയുടെ ആഴങ്ങളിലേക്ക് വഴുതി വീഴും
അങ്ങിനെ ഈ നാട് കുട്ടിച്ചോറായി മാറും