വേദനകളെ വിൽക്കപ്പെടാനാവാതെ
നെട്ടോട്ടമോടുന്നവരെ നിങ്ങളാരെങ്കിലും
കണ്ടിട്ടുണ്ടോ ?
മലകൾ കയറമെന്നില്ല.
കുന്നുകൾ താണ്ടണമെന്നില്ല. 
ആത്മ ബന്ധത്തെയും,
സ്നേഹ ബന്ധത്തെയും
ചാക്കിലിട്ട് വായ്‌ ഭാഗം മൂടി കെട്ടുക

പിന്നെ
പരുപരുത്ത പാറയിലിട്ട് അടിക്കണം
വേദനകൾ വേദനകളിൽ പുളയണം
പ്രഹരമേറ്റ പിടച്ചിലുകൾ_
പുറത്തേക്ക് തെറിക്കാനാവാതെ
നിണങ്ങളിൽ പുരണ്ട് പുളയണം.
പിന്നെ കണ്ണീർ തടങ്ങളിൽ
നിക്ഷേപിക്കണം...
ഉപ്പ് ലായനികളിൽ കിടന്ന് പിളർത്ത്
മരവിക്കണം....
അപ്പോഴാണ്‌ വേദനകൾ വിൽക്കപ്പെടാനാവാതെ
നിങ്ങളും നെട്ടോട്ടമോടുക....!