.................
ഞാനൊരു മനുഷ്യനാണ്
തെറ്റ് പറ്റിയ മനുഷ്യനാണ്
എല്ലാം എനിക്ക് തുറന്ന് പറയണം
അറിയുമോ ആ അറബി
ജീവിച്ചിരിക്കുന്നുവോ..?
എന്നിലെ മറ്റാരും അറിയാത്തവനൊരു
കള്ളനായിരുന്നു.
അറബിയെ കട്ട് മുടിച്ച് കെട്ടിടം
കെട്ടിയവനും
മറവി ഒട്ടും തൊടാതെയുള്ള
കളങ്കം,കൊത്തി വെച്ച
ചുമരുകളിലും തൂണുകളിലും
കിനിയുന്ന ഉപ്പു ലായനി
മനസ്സിനു നീറ്റലാകുന്നു.............
തൂക്കിയിട്ട കലണ്ടറിലെവിടെയോ
കുറിക്കപ്പെട്ട അക്കം
എന്റെ അടക്കത്തിനായി
കാത്തിരിക്കുന്നു
മടക്കി വെച്ച കോട്ടനെയും
ആ അക്കം കാത്തിരിക്കുന്നത് പോലെ
നീറുന്ന മനസ്സ്
വിങ്ങുന്ന മനസ്സ്
ഈ സാഹ് യാനം എനിക്ക് പോവണം
എല്ലാം എനിക്ക് തുറന്ന് പറയണം
ആരാണ് എനിക്കൊരു വിസ തരിക
ഈ വയസ്സാം കാലത്ത്.....?
No comments:
Post a Comment