,,,,,,,,,,,,,,
രാകി വെച്ച
കത്തിക്കും
തൂക്ക് കല്ലിനും
മൂക്കടപ്പ്,
കാരാഗ്രഹത്തിലടച്ച
കോഴിക്ക്
അന്ത്യാഭിലാഷം
ഒരിറ്റ്
ദാഹ ജലമോ ?
നീണ്ട് നിവര്‍ന്ന്
പിടഞ്ഞ് മരിക്കാന്‍
അവസരം നിഷേധിച്ച
പ്ലാസ്റ്റിക്ക് വീപ്പകള്‍ക്ക്
ഇഷട്ട ഭക്ഷണം
ദയനീയത
ചുമരുകളില്‍ പറ്റി
പിടിച്ച രക്ത കറ
വിരുന്നുകാരനെ
ഊട്ടിയ ഭാരം
പേറുമ്പോള്‍-
ദുഷിച്ച ഗന്ധം
മലീനസമാക്കിയ
അകത്തളത്തിലെ
മണിയന്‍ ഈച്ചക്ക്
കൊളസ്ട്രോള്‍
പ്ലേ സ്റ്റേഷന്‍ കളിക്കവെ
റേഡിയോയിലെ
വക്കാ വക്കാ ഗാനത്തോടൊപ്പം
അറവുകാരന്‍റെ തടിയിളക്കം
ഭീതി നിറഞ്ഞ കോഴി കണ്ണുകള്‍
എന്നോട് മന്ത്രിച്ചത്
ബാക്കി വച്ച സ്വപ്നത്തിന്റെ
ഒസ്യത്ത്
അന്ത്യാഭിലാഷം
സൂചിപ്പിച്ചതോ
"നീണ്ട് നിവര്‍ന്നു പിടഞ്ഞ്
മരിക്കാനെങ്കിലും ഒരവസരം"
No comments:
Post a Comment