ഖുർആനിൽ നിന്നും ഒരൽപം 
അവസാന നാൾ 

ഭൂമി കിടു കിടാ വിറപ്പിക്കപ്പെടുന്നു. 
ഭയങ്കരമായ വിറപ്പിക്കൽ. 
ഉയർത്തുകയും താഴ്ത്തുകയും ചെയ്യുന്നു. 
അടിമേൽ മറിച്ചിടുന്ന വിധത്തിലായിരിക്കും 
ആ പ്രകമ്പനം. 
ഭൂമിയും പർവ്വതങ്ങളും അടിയോടെ 
പിഴുതെടുത്ത്‌ ഒരറ്റ കൂട്ടിയടിക്കൽ 
അങ്ങനെ കൂട്ടി അടിക്കുമ്പോൾ ഭൂമി ഉള്ളിലുള്ളതല്ലാം
പുറം തള്ളും.
ഭൂമിക്കു എന്ത് പറ്റി എന്ന് മനുഷ്യർ അന്ധാളിച്ചു പോകുന്നു.
സമുദ്ര മധ്യത്തിൽ കൊടുങ്കാറ്റിലകപ്പെട്ട കപ്പൽ തിരമാലകളുടെ അടിയേറ്റ് അങ്ങും മിങ്ങും ആടി കളിക്കുന്നത് പോലെ അടുകയായിരിക്കും അന്ന് ഭൂമി..
ഭയാനകമായ പ്രകമ്പനങ്ങളെ തുടർന്ന് ഭൂമിയുടെ എല്ലാ ഘടനയും താറുമാറാവുകയും,ആകർഷണ ശക്തി ക്ഷയിക്കുകയും ചെയ്യും. അപ്പോൾ പർവ്വതങ്ങൾക്ക് അവയുടെ ഭാരം നഷ്ട്ടപ്പെടും.

പിന്നെ അവ എവിടെയും തങ്ങി നിൽക്കുകയില്ല.
പലതുമായും കൂട്ടിയിടിച്ചു പൊടിക്കപ്പെടുന്നു.
പൊളിഞ്ഞു തരിപ്പണമാകുന്നു.
നിലം വിട്ട് മേഘത്തെ പോലെ പറക്കാൻ തുടങ്ങുന്നു
കടഞ്ഞെടുത്ത നേർത്ത പഞ്ഞി രോമം പോലെ
കാറ്റിൽ പറത്തപ്പെട്ട വെറും ധൂളികളായി
ഭൂമി മാറും