അന്ന്  ചെറിയ  പെരുന്നാളിന്‍റെ
ചോറ് തിന്ന്  മിറ്റത്തു  മണ്ടി  കളിക്കവെ
ഉമ്മ  മണ്ടി വന്ന്  കണ്ണുരുട്ടി  പറഞ്ഞു.
"ആ തുണിയും  കുപ്പായവും  ഊരി വെക്ക്

ബലിയ പെരുന്നാളിന്  ഉടുക്കാനുള്ളതാ"
തെല്ല്  സങ്കടത്തോടെ  തുണിയും  കുപ്പായവും
ഊരി കൊടുക്കുമ്പോഴും  എന്‍റെ കണ്ണുകള്‍
കൈ  വിരലിലെ  നഖങ്ങളില്‍  വെള്ള  പുള്ളികള്‍ തിരയുകയവും,
ആ പെരുന്നാളിന്  ഒരു  വെള്ള പുള്ളി  മാത്രമെ നഖങ്ങളില്‍  കാണാന്‍  പറ്റിയുള്ളൂ
അതിനാലെ  തെന്നെയാവാം  അത്തവണ  ഒരു കൂട്ട് തുണിയും കുപ്പായവും മാത്രമായത്
ഇന്ന്  എന്‍റെ  വിരലുകളില്‍  ഒരറ്റ വെള്ള  പുള്ളിയും  ഇല്ലാ എങ്കിലും
എനിക്കിന്ന്  പുതിയ  തുണിയും  കുപ്പായവും  ഇഷ്ട്ടം  പോലെ ഉണ്ടല്ലോ ...