മൗനം 

അളവറ്റ സ്വാതന്ത്ര്യം സമ്മാനിച്ച ലഹരിയിൽ 
കെട്ടഴിഞ്ഞോടിയ വാക്കുകള്‍ 
വഴിയിൽ വീണുടഞ്ഞപ്പോള്‍

അടയിരിക്കുന്ന പിടയെ പോലൊരു മൗനം 
എന്നിലേക്ക് തിരികേ ഓടിക്കയറി

എന്‍റെ പാതിരാകിനാവുകളിലിന്ന്‍ 
കറുത്തിരുണ്ട മൗനം മാത്രം..

തൊടിയിലും, മുറ്റത്തും, വയലിലും
നിറഞ്ഞു നില്‍ക്കുന്നു മൗനചിത്രങ്ങള്‍....വാചാലമായി..

ഏതൊരു രാവിന്‍ അന്ത്യത്തിലാണീ മൗനം പെയ്തൊഴിയുക?
വാക്കുകള്‍ പുനര്‍ജ്ജനിക്കുക?